عسلستان غزل
عقاب اولماغیدی نیتون نه اولدی سنه؟
چوخالدی قارقالیقا رغبتون نه اولدی سنه؟
عاصم اردبیلیَ
ائلین گوزونده دیل آچمیش چیراغ نه گلدی سنه؟
گویون اوزونده گول آچمیش یاناغ نه گلدی سنه؟
گوله گوله سارالان گــول، یاییل گــولوشلرینی
کــدر کــدر یاییلان دیـل داماغ نه گلدی سنه؟
ســازین دادی دییشیلمیش یامان چالیر آجــی یا
شیرین شیرین سوزولن بال دوداغ نه گلــدی سنه؟
بولانسادا اوره یین لیل له شیب قوروتمازدیـــــن
سونا لارین بوغازین آی بولاغ نه گلــــدی سنه؟
داریخما سینما یورولما قیریلما قیرما بیـــــــزی
پوزولما پوزما بیزی آی داراغ نه گلــــدی سنه؟
سنی کی من تانیــــــرام سیندیرارسان آیریلیقی
سنین باشیندادا سینسا چاناغ نه گلــــــدی سنه؟
آچیلمییب هـــــله صاندیق ، توکولمییب پامبیخ
تاپیلمییب هله چوخ بور بوجاغ نه گلــــدی سنه؟
سوزون چوخی هله دوستوم ، گوزون تیکیبدی سنه
چوخی صاغیردی گوزوندن ایراغ نه گلــدی سنه؟
قولاخلارین چوخی داشدان دا باشدی، سوز یریمیر
یول آچ بو سوزلره وئر ال ایاغ نه گلــــدی سنه؟
دوگونلو باخما آمانــدیر دوگون ده دوشسه ایشون
سنه یاراشمور آخی قاش قاباغ نه گلـــــدی سنه؟
اوزوم سنین یــــارالی دورنا قویموشام آدینــــی
اوچاندا گل بیر اولاخ بیر اوچاغ نه گلــــدی سنه؟
دئمه سنه قوناغام فریـــــادا یول آچ عاصـــــم
نه بللی بلکه من اولدوم قوناغ نه گلــــــدی سنه؟
| Design By : Pichak |
