عسلستان غزل
بوشعری اوز دیلیمنن و اوز آدیملان بوتون صادق انسانلار اتحاف ائدیرم
سوزی واردیر کی قوناقلیق وئره جک آی کوچه میزده
اولدوز اولدوز قاپی لاردا سالاجاق های کوچه میزده
سوزی واردیر کی سفرده گله جک بوخچاسی الده
خونچاسی باشدا گونش پایلایاجاق پای کوچه میزده
سوزی واردیر کی سرین یئل اسه جک نغمه دیلینده
نفسی دولدوراجاق تئللره نای نای کوچه میزده
سوزی واردیر گله جک شنبه ده چر شنبه دونوندا
اولاجاق پاییز میز یاز قئش میز یای کوچه میزده
سوزی واردیر کی قیزیل گول گله جک ائلچی قیزیل یوخ
آرزی لار ال چالاجاق اوینایاجاق آی کوچه میزده
ساعاتین زنگی اویاندی منه تز تز دئدی یاتما
بو شیرین لیکلری بال داندا شیرین یای کوچه میزده
بیر یوخی ایمش دئدیم ای وای بئله سوزلر کی وارایمیش
گوز یاشیم دوندی قانا آخدی آجی چای کوچه میزده
دوشدی گویدن ده اوچ آلما بیری فریادیما چاتدی
بیری کال چئخدی بیری آغلادی های های کوچه میزده
| Design By : Pichak |
