آتاسيز قيزلارا شعرون مني آغلاتدي يئنه

أونودولموش غميمي سينه ده داغلاتدي يئنه

سؤز گلير بايرام اولور كيمسه گودور أوز پاييني

فلك اگلنجه قوروب غصه ني ياغلاتدي يئنه

بير نيناش ناش سؤزونه گوزلريم ايستيردي أويا

أوره گيم ياسه باتيب درديمي چاغلاتدي يئنه

بيز دئديك يازدا ياشيلليخ بورويه ر أولكه ميزي

بير سويوخ دوشدي بوتون قاپلاري باغلاتدي يئنه

يازدا گلسه ؛ بيليره م وارليني يازلانديراجاخ

يوخسول أوز آرزيلارين باردان اوزاغلاتدي يئنه

صمد آغلار گوزولن سؤيله دي فرياده بئله

آتاسيز قيزلارا شعرون ؛ مني آغلاتدي يئنه

اردبيل- صمد مناري -